Den unuh see the bagga bagga weh a gwaan with the Mayor a Mandeville and him daughter?
Den a weh mi could a do so in life mek my daughter go post on social media say mi dead? No sah!
Well, the Mandeville Mayor, Donovan Mitchell, say him nuh dead at all.
Him tell Jamaica Observer say a him eldest daughter start di rumour mi love.
“We have been out of touch for a little while… I know her very well trying to get my attention,” Mitchell tell the Jamaica Observer.
Di mayor thank everyone in Jamaica and in foreign fi dem concern, and repeat say him alive and well.
But this yah story can’t end so! We still want know why a daughter a go really spread rat rumour pan her father.
Dat a go too far fi attention.
Mi see some people a say di daughter fi get charge fi creating public mischief. Mi feel so to because dat not right at all fi say your father dead.
Weh unuh seh bout this Jam Street people?
