By: Thalia J
Bwoy mi nah lie. Mi still shock by weh Instagram star and up-and-coming rap and Dancehall singer, Starr Dawkins say.
How you fi go on di media fi reveal say you and you ex-man a did cousin?
Lincoln 3dot, Dancehall artiste, himself to, know say di ‘cousin and cousin boil soup ting’ nuh welcome in Dancehall at all.
And it can sink dem career and mek people tease dem, but then again Jamaica a go down the freaky trajectory, and truth be told, a lot of cousin and cousin end up deh together enuh.
Thanks to The Fix. We haffi give dem credit fi di revelation deh and a fi dem video a go viral on TikTok and all over social media.
Back to Starr Dawkins…..
Mumma mi feel yuh should a keep dat a secret. From Lincoln never go public with dat, mi feel yuh should a lef dat mek it stay weh it deh goodie.
And den mumma yuh a go say everyone play dolly house. So dat mean yuh did want carry on the cousinship?
Then me haffi a wonder if is a publicity stunt fi promote yuh music. Mi haffi ask. Ask unuh Dancehall people love use controversy fi sell unuh music.
Wonder if Lincoln ago respond. This one is one to follow.
Weh unuh say people? Unuh would a continue date yuh man or woman if unuh find out say unuh a cousin?
