Clarendon is clarendoning as dem would say.
Mi can’t really believe say is a bathroom mek a 15-year-old high school bwoy stab up him stepfather in Four Paths, Clarendon Monday evening.
It real sad when yuh think bout it enuh. Bathroom?
RIP Mr Conroy Morgan.
It sad ’cause mi hear say a long time dem a have dem likkle dispute, but is like di devil intervene and a desso it lead to tragedy.
Dem say pon di Monday night deh the boy and him stepfather have a heated argument over the bathroom.
Police say the argument den turn inna fight and two a dem get knife and dem use stab up dem one another.
Two a dem end up a hospital because the boy allegedly stab him stepfather inna him neck. Di boy get stab inna him lef hand.
Stepfather dead a hospital, and bwoy get treatment and dem tek him in.
Boy mi nuh know if a di COVID or what but di violence a get out a hand, and den now di schoolers dem tek it up. It really rough pan we likkle island.
